加拿大生活點滴：可以更換屋企部陳年NAS

未去加拿大前，一直等緊 Synology 推出2020年代系新 NAS (network attached storage) 然後可以打包入箱船運，怎料到了離境日都仍未推出腦場，那只好到加拿大才做 upgrade。家中的 NAS 用了差不多十個年頭，係時候要退役。原本的目標是低階2-bays 的 DS220+，某腦店 black friday 限時特價約C$420 (再加13%稅)，但貨架冇晒貨，高一階的 DS720+，限時特價$564 (另加稅)。點樣特價都好，加咗13%稅就一定貴過香港好多好多了。此外，由於見到中階 4-bays DS920+ 特價幅度較大，限時特價約C$720 (另加稅)。一部 NAS 閒閒地可用6-10年，基於用作儲存重要文檔和家庭相片影片，所以今日在特價限時完結前去了店舖排隊，一次性豪咗 (有點肉赤)。硬盤就冇買了，因為船運裝箱時，已入多幾隻預未來upgrade之用。

部 NAS 係可加一條 SO-DIMM 2666Mhz DDR 去增加 performance，但官方 RAM 在加拿大的售價是不合理地貴，所以可考慮一些非官方 RAM，但因涉及與底板原生 Samsung RAM 的兼容問題，所以要小心選擇。網上真係有很多勇士分享了哪些型號的 RAM 是可以成功兼用。近期 RAM 跌價厲害，Amazon 出售的特價 RAM 型號，很多都不兼用，所以要小心。根據網絡搜尋成功個案資料，暫時係 Amazon 訂了一條 16GB Corsair CMSX16GX4M1A2666C18，收貨試完後再update。(Update: 2020.12.04 收貨後，這條 Corsair RAM boot 唔到機。原本打算退貨，但退貨就會冇咗特價，所以同另一部HP laptop 交換咗條 Samsung DDR4 2400 8GB。現在 laptop 和 NAS 都用到，各自和精彩。)