加拿大生活點滴：尋找舊電腦配件

年初的時候發現個人主機電腦的底板出現局部性南橋晶片故障，連不上任何硬盤，但可以加卡去暫時解決問題。由於個人電腦屬六代 CPU 產物，可兼用的底板已於香港腦場絕跡，但 Amazon 仍有出售新底板，那時候打算到了加拿大才買，點知美國和加拿大的Amazon 是兩個個體，加拿大呢邊絕版了，只得美國有售，但運費和稅款勁貴，唔值得花二三百蚊美金去買舊代產物。(北美市場好得意，絕版零件會反彈升值。係香港可能係垃圾，呢度可以賣貴一倍。)

基於現有的電腦系統仍屬於中上性能，不希望花加元千多蚊嚟換新機，唯有想辦法在本地二手堆裡去尋，無意中係 kijiji 揾到心水二手 "ASUS Prime Z270-A"，賣家在西邊市，雖然配件唔齊，價格好堅挺，但因唔駛俾稅和運費，那算是好好了。

第二日換上 CPU 和 RAM 便開始煲底板，一齊正常，主機又可以用多三年了。

在轉移 CPU 過程中，發現要出去店舖買散熱膏，惜逄是 Black Friday 和 Crazy Monday，顧客勁多，加上抗疫限人流入店，買一支膏，用了近半小時排隊時間。呢支最平嘅膏都要加元5蚊啊❢